Документарецот „Приказната за Силјан“ на Тамара Котевска го доби признанието на публиката (Audience Choice Prize) на престижните „Синема ај“ награди (Cinema Eye Honors) кои се доделија синоќа во Њујорк.
„Синема ај“ (Cinema Eye Honors), се едни од најзначајните и највлијателни меѓународни награди кои се доделуваат за документарна продукција, а за наградата „Audience Choice Prize“ гласа исклучиво публиката.
Како што е познато, на почетокот на годинава, „Силјан“ ја имаше својата македонска премиера, а од 15 јануари започнува и неговото киноприкажување во Скопје и останатите градови на Македонија.