„Ти гледаш кукла, јас гледам бебе кое никогаш не го држев во раце,“ вели една жена во видео на ТикТок, додека гали кукла со реалистичен изглед – позната како реборн кукла – со тркалезни образи и ретка, руса коса како новороденче. Овие жени се дел од мала, но посветена заедница на луѓе кои собираат реборн кукли – некои од нив чинат и до 5.000 долари.
Постојат многу причини зошто жените (најчесто се жени) купуваат – или „посвојуваат“ – реборн кукли, но Стак вели дека најчесто тоа е затоа што луѓето „едноставно ги сакаат бебињата и мислат дека се преслатки. “Реборн куклите првпат станале популарни пред повеќе од 20 години, кога уметници почнале да преправуваат фабрички кукли за да изгледаат пореално – од таму доаѓа и името „реборн“ (преродено). Просечната цена е околу 250 долари, но силиконските кукли, кои најмногу личат на вистинско бебе, почнуваат од 1.000 долари и одат до 4.000 или 5.000.
Д-р Џесика Зукер, психолог специјализиран за репродуктивно и мајчино ментално здравје, зборувала со жени кои се соочиле со загуба на бременост со помош на вакви кукли.
Иако Зукер не е експерт за терапија со кукли, таа вели дека реборн куклите можат да делуваат како „тампон зона“ што им овозможува на жените да се справат со тагата од спонтан абортус или мртвороденче. „Можеби тоа е начин да ја почувствуваат болката, но и да ја олеснат, преку тоа што повторно глумат мајка, се грижат за нешто надвор од себеси.“
Килер вели дека тежината на куклата е утешна, слично на тешко ќебе или прегратка.
„Ја обожавам фазата на новороденчиња,“ вели таа, додавајќи дека куклата е начин да се ужива во таа фаза „без обврската да се грижиш за човечко суштество цел живот.“ Таа вели дека обожава да биде мајка на своите две деца, а создавањето содржини поврзани со кукли е само продолжение на таа љубов.
Иако има луѓе кои ја критикуваат Триг и другите креатори и колекционери на кукли, таа не се обесхрабрува од нивните мислења.
„Некои луѓе собираат поштенски марки – иако тоа не го разбирам, не го осудувам,“ вели Триг. „Зошто куклите би биле поинакви? За мене, тој негувателски дух е дар, и не се срамам од тоа.“