Кралот Филип VI од Шпанија денес му ја додели титулата маркиз на тенисерот Рафаел Надал, како признание за неговиот придонес во Шпанија преку спортот, се вели во соопштението на Палатата.
Надал, кој освои гренд слем титули 22 пати и триумфираше рекордни 14 пати на турнирот Ролан Гарос, сега ја носи титулата Маркиз од Левант де Мајорка, од неговиот роден регион Мајорка, каде што живее и денес.
Титулата може да ја наследат неговите потомци.
Пред неколку дена, поранешниот капитен на англиската фудбалска репрезентација, Дејвид Бекам, ја доби почесната титула „Сер“, која, по повод роденденот на кралот Чарлс, му беше доделена и на фронтменот на групата Ху, Роџер Далтри, како и на добитникот на Оскар, Гари Олдман.