Четворица штипјани го освоиjа првото место во категорија Team Building-трка на 5 километри на познатиот маратон ОхридТрчат кој се одржa изминатиот викенд во Охрид по осми пат.
Од вкупно 33 тима, штипскиот тим Electrolight предводен од Даниел Самаров, Мартин Самаров, Виктор Ефремов и Кире Петров беше најдобар и најбрз тим со резултат 20:14
Инаку Македонскиот атлетичар Дарио Ивановски победи на главната трка на 21 километар со резултат 1:10:01 часа.
Најдобар резултат во женска конкуренција во трката на 21 километар оствари Милјана Ристиќ со резултат 1:30:01 часа.
Во трката на пет километри победи Мирослав Спасов од Бугарија со време 18:11 минути,
Во женска конкуренција на пет километри најбрза беше Емили Иваноска со време 24:25 минути.
Наградите на најдобрите атлетичари им ги врачија претседателката Гордана Сиљановска Давкова и градоначалникот на Охрид, Кирил Пецаков.
На „Охрид трчаТ“ оваа година учество зедоа рекордни 2.200 натпреварувачи од 31 земја.
