Триесет и треттото издание на најважната хрватска музичка награда Порин, кое ќе се одржи на 27 март во сплитската сала „Грипе“, ги носи првите големи вести: Порин за посебен придонес во хрватската музика (Porin Special Merit Award) годинава му припадна на македонскиот гитарист со меѓународна кариера и еден од најзначајните музички уметници на овие простори, нашиот Влатко Стефановски.
Оваа награда го препознава неговиот исклучителен уметнички опус кој ја обликуваше регионалната музичка сцена, вклучително и хрватскиот културен простор. Стефановски е уметник чие творештво ги надминува границите на една средина – неговиот музички јазик, авторитет и креативна доследност оставија силен белег во бројни соработки, меѓу кои Хрватска зазема посебно место.
