Кардиологот и алпинист Сашко Кедев го доби Орденот „8 Септември“ за исклучителни заслуги во медицината, науката, алпинизмот и придонесот кон меѓународниот углед на Македонија.
Кедев истакна дека одликувањето го споделува со колегите кои ја формирале интервентната кардиологија пред 30 години и нагласи дека вистинската суштина е во мотивaцијата, а не во конечната цел.
Претседателката Гордана Сиљановска Давкова го нарече „пионер, визионер и човек со редок морален интегритет“, истакнувајќи го неговиот научен опус (230 трудови, H-индекс 36, над 13.650 цитати) и револуционерните техники во кардиологијата кои спасиле многу животи.
За историскиот подвиг – искачувањето на сите 14 врвови над 8.000 метри, Кедев рече дека тоа го смета за национален успех, со најсилна мотивација да го носи македонското знаме и името на секој врв.
Сиљановска го опиша како „бунтовник со цел“, храбар и дисциплиниран, чија животна приказна ги спојува медицината, спортот, науката и општествениот ангажман, претворајќи го во еден од највпечатливите современи македонски авторитети.