Македонската Филхармонија e една од најзначајните културни институции во нашата земја, која осум децении го негува класичното и современото музичко наследство. Македонската Филхармонија не само што претставува врвна сцена за домашни и странски музички таленти, туку и мост кон светската музичка сцена, инспирирајќи генерации на музичари и љубители на класичната музика. Филхармонијата е првиот и единствен симфониски оркестар во земјата, формиран на 24 ноември 1944 година, само 11 дена по ослободувањето на Скопје. Првиот состанок на музичарите се одржа во домот на композиторот Тодор Скаловски, со цел формирање на првата државна музичка институција во ослободена Македонија.
По 73 години, Македонска Филхармонија конечно доби свој дом – современа концертна сала.
Во своето повеќедецениско постоење, оркестарот оствари незаборавни концерти со репертоар од светската класика и современи автори, особено промовирајќи дела на македонски композитори. Филхармонијата прерасна во амбасадор на македонската уметност, гостувајќи на меѓународни сцени и соработувајќи со врвни диригенти и солисти.
Во продолжение за тековните проекти на Филхармонијата, нивната визија за иднината, како и за предизвиците и радостите кои ги носи работата во една од најпрестижните музички институции во Македонија.
Зоран Стеваноски- раководител на сцена и Анѓелина Димоска Миташева- советник за односи со јавноста
AngelsFm- Како функционира оваа институција и колку време постои?
Анѓелина Димоска Миташева- Македонска филхармонија минатата година одбележа 80 години од формирањето. Формирана е само 11 дена по ослободувањето на Скопје како прва институција. И до денеска единствен симфониски оркестар во нашава земја. Активно одржуваме концерти ја негуваме класичната музика. Настапуваат најзначајните диригенти и солисти, програми кои што се интересни за публиката, имаме редовна публика, имаме нова публика.
AngelsFm- Кои се настаните кои ги опфатиле европските држави кои сте ги посетиле?
Зоран Стеваноски- Во Виена ја заокружуваме оваа 80годишна прослава, Израел, свирено и во Ерусалим. Турнеии во Тел Авив, Кина, Шпанија, Португалија. Бившите Југословенски простори. Потоа, двата концерта кои беа во Солун и Бугарија
AngelsFm- Што се содржи оваа Македонска филхармонија?
Зоран Стеваноски- Ние генерално пораснавме од како влеговме во нашиот нов дом, храм бидејќи навистина ова е храм. Претходно бевме помала институција, зборувам кадровски и персонално. Од како влеговме почнавме и ние да растеме да се прилагодуваме на условите. Веќе имаме сценска техника, светло, аудио- одделение. Па, и во делот на маркетингот, продукција….
AngelsFm- Се ближи и роденденот на Македонска филхармонија како ќе се одбележи?
Анѓелина Димоска Миташева- Ние секоја година се обидуваме за роденденскиот концерт да направимедобра програма која што ќе ја следи традицијата осум децениска, колку што постои нашата институција. Така и оваа година ќе имаме роденденски концерт. Ќе настапи нашиот шеф диригент Јерухам Камшаровски, како солист ќе настапи Сергеј Качантраиан од Ерменија, имаме интересна програма. Дел од македонски композитор ќе се изведе и секоја година настојуваме на овие концерти да има дело и од македонски композитор. Македонското творештво мора да биде изведено и почесто застапено на програми. Ние сме институција која што често изведува дела од македонски композитори. На програмата е и симфонијата број еден од Прамс. А исто така ќе биде изведен и концертот за виолина и оркестар од Хачаториан
