По неодамнешната успешна премиера на „Случајната смрт на еден анархист“, штипскиот Народен театар повторно подготви свежо сценско доживување. Оваа сабота, 6 декември 2025 година, со почеток во 20:00 часот, актерите ќе ја изведат новата претстава „Ковчег за двајца“, црна комедија која ветува смеа, апсурд и неочекувани пресврти.
Претставата е инспирирана од текстот на Жан Пјер Мартинез, со режија на Никола Ристов, а драматизацијата и адаптацијата се на Габриела Коцева Тулиев. Во центарот на приказната се судираат политика, љубов и човечки слабости, сместени во едно погребално претпријатие, што создава уникатен и храбар театарски свет.
Во улогите ќе ги гледаме:
-
Миле Вратеовски
-
Елена Шорова Дербов
-
Владимир Тулиев
-
Анѓелка Нашкова
Не ја пропуштајте оваа нова, свежа и необична претстава која го открива хуморот дури и таму каде што најмалку го очекуваме. Театар Штип ве очекува за една вечер полна со смеење, апсурд и изненадувања!
