Официјалните профили на социјалните мрежи кои ги раководи администраторот на Барселона беа исполнети со објави за големата победа на „Ел Класико“, па така коментарите не стивнуваа и 24 часа по незаборавното дерби.
Каталонскиот гигант го разби актуелниот шпански и европски шампион и славеше со убедливи 0:4 на „Сантијаго Бернабеу“, резултат на кој се израдуваа сите верни следбеници на Барселона.
Активноста на социјалните мрежи донесе милиони реакции од различни страни ширум светот, а на објавата „живејте го животот“, пристигна коментар и од најдобриот играч во историјата на клубот.
Лео Меси од дистанца ги следи случувањата во Барселона и сигурно е презадоволен од изгледот на тимот под водство на Ханси Флик, па во објавата на Инстаграм се јави со краток коментар.
– Колку убава победа!!, – гласи кратката порака на Меси, проследена со аплауз за прикажаното на теренот на најлутиот ривал.