Црниот петок го означува почетокот на шопинг сезоната за зимски празници. Според некои објаснувања терминот „црн петок“ првпат се употребил во шеесетите години во Филаделфија. Еднаш годишно во тој град се одржувал традиционален натпревар во фудбал, меѓу припадниците на армијата и морнарицата. Организаторите се стремеле мечот да биде во сабота по „Денот на благодарноста“, кој пак се паѓа во четврток кон крајот на месец ноември. Локалните трговци секогаш се подготвувале за наплив на купувачи и пониски цени за да ги привлечат граѓаните. Денес, Black Friday не е ограничен само на САД – тој стана глобален феномен. Во Македонија и регионот, трговците на мало нудат и атрактивни попусти за да привлечат клиенти.
Наместо „црн петок“ за намалување на цените на артиклите, дел од граѓаните велат дека тоа се „црни“ манипулации и не очекуваат драстично намалување на цените. За разлика од претходните години, оваа година нема значителен интерес кај граѓаните за „црниот петок“.
Истражувања спроведени од потрошувачки здруженија во Европа и САД покажуваат дека:
- Само околу 20% од производите навистина се продаваат по најниска цена на „Блек Фрајдеј“.
- Дури 40% од производите се продаваат по истата цена или малку пониска од онаа пред неколку недели.
- Некои производи, особено електроника и мали апарати, понекогаш се поевтини во други периоди на годината
„Блек Фрајдеј“ може да биде можност за заштеда, но само доколку потрошувачите се информирани и внимателни. Голем дел од попустите се маркетиншки стратегии, но со правилна подготовка, купувачите можат да ги искористат вистинските намалувања. На крајот, најважно е да купувате рационално и да избегнете непотребно трошење под влијание на агресивните реклами.