Македонката Тина Русева, која живее во Леверкузен, го остварува својот долгогодишен сон – настап на „The Voice of Germany“. И тоа не во било која сезона, туку во јубилејната 15-та, посветена на легендарни гласови и незаборавни ѕвезди од сите претходни изданија. Меѓу тие имиња, гордо ќе се слушне и македонскиот глас.
Талентот на Тина се појавил рано. На само 12 години го освоила второто место на меѓународниот фестивал „Славјански Базар“ во Белорусија – првиот знак дека нејзиниот глас е создаден за големи сцени.