И по 24 часа откако беше пријавено нејзиното исчезнување, 14-годишната Вања од Скопје сè уште не е пронајдена.Продолжува интензивно потрагата по малолетното девојче кое исчезна вчера во утринските часови во Скопје, информираат денеска од МВР за МИА.
МВР доцна синоќа соопшти дека се преземаат интензивни мерки за пронаоѓање на 14-годишната В.Ѓ, и повика да не се шират дезинформации посочувајќи дека МВР постојано ќе ја информира јавноста до пронаоѓање на малолетничката.
Министерството за внатешни работи информира дека и денеска се преземаат интензивни мерки и активности за пронаоѓање на 14-годишното девојче В.Ѓ од Скопје.
Вчера во 8.35 часот нејзината мајка З.Ѓ. од Скопје пријавила дека се сомнева дека нејзината ќерка В.Ѓ. (14) е исчезната.
Од МВР потенцираат дека за решавање на случајот и пронаоѓање на девојчето веднаш по добиената пријава биле вклучени целосните капацитети на СВР Скопје на највисоко ниво, а извршени се и низа разговори со лица блиски на малолетничката, прегледани камери итн.