Познатата песна “Billie Jean” од Michael Jackson издадена во 1982 година, доби нова преработка во електронска верзија. Двајцата македонски диџеи и продуценти Ninno Mancini и Аvensis ги здружија слилите, знаењето и искуството и од оваа легендарна песна направија успешна преработка. Првата заедничка соработка за двајцата значи здружување на вкусовите, напорна работа и истрајност да се стигне до посакуваната цел:
„Горд сум што сеуште има ентузијасти и љубители на електронска музика, што има мои колеги кои сакаат да работат продукција и на публиката да понудат квалитетно електронско парче. Драго ми е што со Avensis сме на иста бранова должина и се трудиме да направиме нешто квалитетно што младите генерации ќе го препознаат“, изјави Ninno Mancini, македонски диџеј и продуцент.
За амбициозниот Avensis пак, преработката на “Billie Jean” е уште еден успешно завршен предизвик, за кој било потребно многу внимание и трепение :
„Секоја успешна преработка е резултат на многу вложен труд и секако, долги ноќи работа J Навистина беше голем предизвик, но со Ninno Mancini имаме многу разбирање, сличен вкус за музика и перфектно се надополнуваме кога во прашање е работата. Се надевам дека нема да остане на ова и дека оваа преработка е само почеток на една нова успешна приказна“, потенцираше Avensis.
Инаку, Ninno Mancini е македонски диџеј и продуцент, кој потекнува од Штип. Својата кариера ја има градено во Италија, Велика Британија и Македонија. Неговите сетови ги има слушано публика во различни клубови и многу приватни забави низ Македонија и надвор од неа. Исто така, учестувал на големи фестивали како што се Revolution Festival, мега популарниот Exit, Signal Festival, Greenfest и многу други. Музиката на Ninno Mancini е дел од врвни издавачки куќи како што се Renesanz Records и Yin Yang Records. Поголемиот дел од неговото музичко творештво е издаден во сопствената издавачка куќа Techno Mood Records.
Avensis е 22 годишниот електронски диџеј и продуцент кој што потекнува од Виница. Неговите изданија веќе се дел од радио емисиите на: Showtek, Plastin Funk, Jewelz & Sparks, DJs From Mars и многу други. Зад себе има веќе две турнеи во Норвешка и многу успешни изданија како дел да ги спомнеме: ‘Say That You Are Mine”, “Karen”, “She Wants” и други.