Тaеквондо клуб Штип забележа значаен успех на Европското клупско првенство за деца, кое на 17 јуни се одржа во спортската сала „Горан Ченгиќ“ во Сараево, Босна и Херцеговина.
Младиот натпреварувач на клубот, Максим Арсовски, се истакна со одлични настапи во силна меѓународна конкуренција и успеа да го освои сребрениот медал. Со својата борбеност, дисциплина и посветеност, Арсовски уште еднаш потврди дека е еден од најперспективните млади теквондисти.
Од Тaеквондо клуб Штип изразија задоволство од постигнатиот резултат, истакнувајќи дека успехот е плод на напорната работа на тренинзите, како и на поддршката од тренерите и семејството.
На првенството учествуваа 144 натпреварувачи, додека беа поднесени вкупно 197 пријави. Натпреварувањето беше организирано од Таеквондо федерацијата на Босна и Херцеговина во соработка со Европската теквондо унија (ETU).
Освојувањето на сребрениот медал претставува уште едно значајно признание за Теквондо клубот Штип и за македонското таеквондо на меѓународната сцена.