На 5 и 6 јуни Кик Бокс клубот „Гладијатор Фајт“ – Штип ќе земе учество на еден од најпрестижните меѓународни турнири во регионот – „Grand Prix Sarajevo“, кој ќе се одржи во Сараево, Босна и Херцеговина.
Под водство на тренерот Шенол Асанов, клубот ќе настапи со пет натпреварувачи кои ќе ги бранат боите на Штип и Македонија:
Антонија Тасева (-60 кг)
Петра Долдурова (-65 кг)
Јован Јанковски (-52 кг)
Леонтина Миткова (-65 кг, јуниорки)
Максим Иванов (-32 кг)
Посебно внимание привлекува најмладиот гладијатор во клубот Максим Иванов кој со голема желба и посветеност ќе го има своето меѓународно претставување на овој силен турнир.
Од клубот истакнуваат дека учеството на „Grand Prix Sarajevo“ претставува одлична можност за стекнување ново искуство, спортско докажување и афирмација на македонскиот кик-бокс на меѓународната сцена.
