Кога станува збор за туризмот, секоја земја нуди различни атракции. Секој од нив привлекува големо внимание кај патниците и туристите, без разлика дали се работи за Триумфалната капија или брегот Амалфи.
Сепак, ниту една од нив не привлекува туристи како една содржина во Дубаи. Имено, најпосетувана туристичка атракција во светот е, верувале или не е еден трговски центар. Тоа не е било каков трговски центар, логично. Тој е најпосетуван во светот и нуди широк спектар на атракции. Станува збор за Дубаи Мол во Дубаи.
Најголемиот трговски центар во Дубаи го посетуваат дури 75 милиони туристи годишно. Дубаи Мол е запишан во Гинисовата книга на рекорди како најголем во светот, целиот објект со сите придружни содржини се простира на импресивни 1.124.000 метри квадратни.
Дубаи Мол е отворен во 2008 година, има 1.300 продавници, лизгалиште со олимписки димензии, аквариум, најголема продавница за чевли во светот, 14.000 паркинг места и симулатор за летање со патнички авион Боинг 737.
Тој е дел од комплексот Бурџ Калифа и нуди широк спектар на забавни, угостителски и шопинг содржини. Дубаи Мол е популарна дестинација за туристите и локалното население, познат по својата луксузна и импресивна архитектура.
Иако има многу интересни содржини во светот, трговскиот центар во Дубаи го посетуваат повеќе луѓе отколку Ајфеловата кула, Нијагарините водопади и Дизниленд заедно.