Претежно облачно време со повремени врнежи од дожд ќе го одбележи денешниот понеделник, 2 ноември. Според прогнозата изработена во соработка со Управата за хидрометеоролошки работи, на одредени места врнежите ќе бидат пообилни, при што се очекува да наврнат над 15 литри дожд на квадратен метар.
Нестабилното и врнежливо време ќе продолжи и во текот на утрешниот ден. Во вторник, локално се прогнозираат пообилни врнежи од дожд, со количества над 30 литри на квадратен метар.
Граѓаните се советуваат да ги следат временските прогнози и да бидат внимателни при движење, особено во периодите со поинтензивни врнежи.
Новинар Никола.А