По серијата концерти низ повеќе македонски градови, поп-пејачката Бојана Скендеровски ја претстави својата најнова песна „Оди си“. Автор на музиката и текстот е Александар Тарабунов, додека за аранжманот се погрижи Димитар Андоновски.
Скендеровски истакнува дека песната целосно го отсликува нејзиниот карактер и енергија.
„Станува збор за динамична женска песна која ќе ве поттикне да пеете, да танцувате и можеби да се препознаете во нејзината приказна“, вели пејачката.
Видеоспотот за „Оди си“ е реализиран во Тирана, во продукција на „Скендеровски“.