За многумина, денот започнува со голема шолја кафе. Мирисот и вкусот го будат мозокот, го подобруваат расположението и помагаат да се справиме со различни задачи: пишување, е-пошта, административни обврски или креативни проекти. Но, дали кафето навистина ја зголемува креативноста?
Истражувањата покажуваат дека кафето, преку блокирање на аденозин – природна хемикалија која предизвикува поспаност – ја подобрува будноста, концентрацијата, времето на реакција и работната меморија. Со други зборови, ни помага да бидеме попродуктивни и помалку изморени.
Сепак, кога станува збор за креативност, ефектот е посложен. Студија на Универзитетот во Арканзас откри дека внесот на 200 мг кофеин ги подобрува конвергентните способности – способноста да се решаваат проблеми и да се организираат идеи. Но, кофеин не влијаел значајно врз дивергентното размислување, односно генерирање нови и оригинални идеи.
Главните заклучоци се:
-
Кафето не е магично средство за создавање нови идеи, но помага во систематско решавање проблеми.
-
Тоа го подобрува расположението и го намалува менталниот замор, што индиректно може да поддржи креативен процес.
-
Го засилува вниманието, работната меморија и брзината на размислување – сите корисни за интелектуална продукција.
-
Прекумерното пиење кафе може да ја зголеми анксиозноста и да ја намали когнитивната флексибилност, што негативно влијае на иновативното размислување.