Граѓаните ги очекува продолжен викенд, бидејќи 8 декември (понеделник) е прогласен за неработен ден. На овој датум се одбележува државниот и духовно-просветен празник „Св. Климент Охридски“, посветен на еден од најзначајните столбови на словенската писменост и македонската културно-историска традиција.
Кој е Св. Климент Охридски?
Св. Климент Охридски (840–916) е една од највлијателните личности во историјата на словенската писменост. Како ученик и соработник на светите браќа Кирил и Методиј, тој дал огромен придонес во ширењето и развојот на словенското писмо, богослужба и образование. Неговото дело ја поставува основата на духовната и книжевната култура на целиот региoн.
Основач на Охридската школа – првиот словенски универзитет
По доаѓањето во Македонија, Св. Климент ја формирал прочуената Охридска книжевна школа, која историчарите ја сметаат за прв универзитет меѓу словенските народи. Во неа обучил повеќе од 3.500 ученици – свештеници, учители, писари и богослови – кои подоцна ќе ја пренесат словенската писменост низ целиот Балкан.