Првото нешто што го нагласуваат експертите кои се занимаваат со синдромот на патна треска е дека е потребна добра организација, односно фокус на претходно замислен или напишан список на потребни работи за патувањето.
Најтешкиот дел е пакувањето за викендот, бидејќи патувањето е кратко. Затоа споделуваме неколку вредни стручни совети.
Предмети за лична хигиена
Тие се неопходни – четка за заби, дезодоранс, креми за лице, тело, раце, паста за заби…
Кога станува збор за облека, се препорачува да се облекувате во слоеви, па затоа пакувањето неколку парчиња лесна облека е задолжително. Треба да се внимава работите лесно да се комбинираат. Памучна маица, долна облека, дуксер, јакна во зависност од сезоната и џемпер, капа, шал, ракавици. Исто така, тука е и неопходната мантилка или јакна за ветер и дожд. Кога станува збор за пакување чевли, се препорачуваат патики, удобни чевли или сандали. Исто така, ви е потребен практичен, лесен мал ранец за вода и храна. Доколку патувањето вклучува прошетки во природа, за секој случај, неопходни се антисептички спреј, фластери, гел за убоди од инсекти и дефинитивно малку аналгетик, советуваат експертите.