Доколку седете подолго време пред екраните голема е веројатноста дека имате проблеми со очите и видот. Во овој случај, најчестите проблеми се главоболка, суви или црвени очи и заматен вид.
Овие проблеми можат да доведат до привремено заматен вид и низа други симптоми, предупредуваат експертите, вклучувајќи главоболки, како и црвенило, чешање, замор или општа непријатност во очите. Правењето паузи во текот на денот е најважното нешто што го советуваат експертите. Тие најчесто предлагаат да се придржуваме до правилото 20/20/20, кое вели дека на секои 20 минути треба да гледаме во нешто оддалечено најмалку 20 стапки (околу шест метри), најмалку 20 секунди.
Напрегнувањето на очите не е знак за поголем проблем или оштетување, туку разбирлив несакан ефект од користењето на нашите очи на начин што не е во согласност со тоа како тие се наменети да работат. Треба да се провери дали симптомите се вознемирувачки или се ублажуваат со едноставни решенија како паузи и користење капки за очи.