Песната „Jingle Bells“ е една од најпознатите и најпопуларните празнични песни во светот, но интересно е тоа што таа не е оригинално поврзана со Божиќ. Автор на песната е Џејмс Пиерпонт, кој во раните 1850-ти години бил инспириран од трка со санки во Масачусетс. Пиерпонт ја напишал песната како забава за зимскиот празник “Thanksgiving” (Денот на благодарноста), а не за Божиќ.
Историчарите не можат точно да го утврдат моментот и местото каде што песната била напишана, но познато е дека „Jingle Bells“ првпат била објавена во 1857 година. Иако песната се асоцира со Божиќ и зимските празници, нејзината оригинална намера била да ја опише забавата со санки на ладниот зимски ден. Постепено, таа стана неизоставен дел од божиќната музика, благодарение на својата весела мелодија и текстови, кои ја прават една од најпопуларните празнични песни на сите времиња.