Венчавките на домашни миленици се во пораст во Кина, каде што владините политики немаа голем успех во охрабрувањето на повеќе луѓе да се венчаат. Овој необичен тренд зема замав благодарение на популарноста на домашните миленици во Кина и зголемената подготвеност да се троши за нив. Трошењето за крзнените пријатели во 2023 година се зголеми за 3,2 отсто на 38,41 милијарди долари во споредба со претходната година, покажуваат податоците.
Од 2023 година, во Кина има повеќе од 116 милиони мачки и кучиња, според истражувачката компанија „Акјути нолеџ партнерс“. Рамномерно распоредени низ градското население на Кина, околу еден од осум Кинези поседува мачка или куче, а повеќето сопственици се на возраст под 40 години.
Рај Линг и неговата девојка Џиџи Чен, кои изјавија дека не брзаат да се венчаат, со месеци прецизно ја планирале церемонијата на своето куче, организирале професионални фотографи и нарачале торта од 110 долари со фигури на кучињата Бри и Бонд.
