Црквата Саграда Фамилија во Барселона ќе биде завршена 2026 година – 144 години по поставувањето на првиот камен-темелник, објави британски „Гардијан“.
Претседателот на организацијата задолжена за завршување на ремек-делото на Антони Гауди го објави датумот минатата среда, што се совпаѓа со стогодишнината од смртта на каталонскиот архитект.
Естеве Кампс изјави дека имаат пари и материјали за да ја довршат зградата, вклучувајќи ја и централната кула од 172,5 метри посветена на Исус, што ја прави Саграда Фамилија највисоката зграда во Барселона.
Иако зградата треба да биде завршена до 2026 година, работата на скулптурите и украсните детали и, најзначајно, контроверзните скали кои водат до она што на крајот ќе биде главниот влез, се очекува да продолжат до 2034 година.
Кога започнала работата во 1882 година, местото било обработливо земјиште. Но, во годините што следеле, градот се зголемил околу црквата. Скалилата, кои би се протегале на два големи градски блока, би вклучиле раселување на околу 1.000 семејства и бизниси.
Додека некои експерти од Гауди го оспоруваат ова, Кампс инсистира дека скалите секогаш биле дел од планот на архитектот. „Детално го следиме планот на Гауди“, рече тој
Од почетокот до сега, црквата Саграда Фамилија биле зафатена од војна, запоставување и недостаток на финансии. Неодамна, пандемијата на коронавирусот доведе до двегодишна пауза во нејзината доградба.