Од филмска разгледница до преполна дестинација
Тајландскиот остров Ко Фи Фи, некогаш симбол на тропски рај со кристално море и недопрена природа, денес се соочува со сериозни последици од масовниот туризам. Наместо мир и егзотика, посетителите сè почесто затекнуваат огромни гужви и метеж.
Светската популарност на архипелагот драстично порасна по снимањето на филмот „Плажа“ со Леонардо Дикаприо, кој беше снимен во заливот Маја. Оттогаш, ова место стана една од најпосетуваните туристички точки во Тајланд.
Вирално видео ја покажа вистинската состојба
Последните снимки што се шират на социјалните мрежи откриваат сосема поинаква слика од онаа што туристите ја очекуваат. Стотици луѓе се туркаат на пристаништата и плажите, а многумина коментираат дека дестинацијата веќе го изгубила својот шарм.
На Reddit, корисници споделуваат разочарувања, наведувајќи дека местото е премногу преполно за да може вистински да се ужива. Дел од нив дури го опишуваат искуството како „вистински кошмар“.
Maya Bay, Koh Phi Phi
byu/TheRealCockzilla inThailandTourism
Природата плати висока цена
Преголемиот број туристи сериозно му наштети на екосистемот на заливот Маја. Поради уништени корали и загрозен морски свет, властите пред неколку години го затворија островот за посетители со цел природата да се обнови.
Иако локацијата повторно беше отворена во 2022 година, воведени се строги правила — ограничен број посетители, забрана за ноќевање, контролиран пристап со чамци и ограничувања за користење креми за сончање во морето.
Метеж и на главниот остров
Ниту Ко Фи Фи Дон, најголемиот остров во архипелагот, не е поштеден од проблемите. Таму секојдневно се создаваат големи гужви, а локалните туристички работници предупредуваат дека инфраструктурата тешко се справува со бројот на посетители.
Туристите бараат помирни места
Поради хаотичната атмосфера, сè повеќе туристички агенции почнуваат да нудат алтернативни дестинации. Меѓу нив се островите Ко Тап, Ко Пода и Ко Каи, кои нудат помирни плажи, чиста вода и далеку помалку туристи.
